المكونات للطاجن : لحم-جزر-بصل-ثوم-جمبا-بازيلاء-زيتون بلا بزر-بندورة مقشرة ومبروشة(بين 5-7 حبات)-مكعبين كنور (הודי) -ملح وبهارات مخلوطة (علبة البهارات المخلوطة بتريحك)

الطريقة :
نسلق اللحم بشكل منفرد ,ومياه السلق منخليها ما منرميها
منقلي البصل والجزر بمقلى بشوية زيت زيتون لحد ما يبدا البصل بده يتحمر ,مندير عليهن البندورة المبروشة ,منقلب شوي لحد بعدين مندير الجمبا ومنقلب كمان شوي ,منجيب مية سلق اللحمة ومنحطهن عليهن (اذا كانت قليلة منضيف مي مغلية كمان) ,منخليهن يغلو مع بعض لحد ما يستوا الخضار (بلاش ما يستووا كتير ببطل طيب) ,منحط عليهن اللحمة المسلوقة وبعد هاي المرحلة منحط مكعبين الكنور مع شوية بهار مخلوطة وملح ومنذوق ,اذا حسينا انه المرقة سائلة كتير منتخنها بالكورنفلور شوي ,بعدين آخر اشي منحط الزتون والبازيلاء (اذا كانت البازيلاء علب بتكون مستوية منحطها آخر اشي قبل ما نطفي بشوي) ,بنفع كمان شوية بقدونس مفروم بالاخر ..ومندوق الطعمة اذا ناقص ملح بعد ما حطينا الزتون والبازيلا ,اذا لا خلص هاي خلصنا منها

الرز هو بنفع باي طريقة بتحبيها بس انا حطيت عليهن كمان مكعب كنور واحد (הודי) كتير طيب ,وبهار المخلوطة ,وزينتهن بلوز وصنوبر