للكريم باتسيير:
6 صفار البيض.
100 غرام سكر (2
كاس).
40 غرام كورنفلور (3
كاس).
500 مل حليب.
2 معلقتين كبار برشه ليمون.
50 غرام زبده.
1 معلقه كبيره عصير ليمون.
1 علبة شمينت متوكا .
2 معلقتين كبار سكر مطحون .

لشعر الكنافه:
200 غرام شعر كنافه.
100 غرام زبده .
60 غرام سكر مطحون(2
كاس).

قطر:
نص كاس سكر.
100 مل مياه.
معلقة عصير ليمون.

* للتزين توت وسكر مطحون.

كريم باتسيير:
-نخفق يدويا الصفار والسكر المطحون والكورنفلور مع بعض.
- نغلي الحليب وبرشه اليمون.
-نضيف الحليب المغلي شوي شوي للصفار(نضيف شوي ونحرك, شوي ونحرك-ممنوع نوقف تحريك حتى ما يفرط الكريم,لانو الحليب بكون يغلى والصفار بارد)هاد يسمى (השוואת טמפרטורה).
-نضع كل الخليط على نار متوسطه لحتى ما يغلى شوي.
*اذا صار معكو مثل العجه معنها للأسف ما زبط! ارجعوا على الوصفه وبدقه.
-نصفي الخليط بمنخل حتى يطلع عنا كريم ناعم(חלק).
_نضيف الزبده للخليط بعد ما صفيناه ونحرك حتى تذوب.
-بعد ما الخليط يبرد نضعه بالبراد لمده ليله كامله.

بعد ليله كامله:
- نحرك منيح الكريم باتسيير وهو بارد ونضيف العصير ليمون.
-نخفق الشمينت متوكا والسكر المطحون لكتسيفت ثابته,ونضيفه للكريم باتسيير ونحرك بحركه الطوي(תנועת קיפול) حتى يكون عنا كريم ناعم بدون فقاقيع.

للشعر الكنافه:
نستعمل 6 رينج( والي هو قوالب حديد صغير قطر 8 سم)
-نشغل الفرن لدرجه 175 .
-نخلط شعر الكنافه والزبده والسكر المطحون مع بعض.
_نرتبهن بقاع الرينج(قوالب الحديد) ونفوتهن على الفرن لمدة 15 دقيقه.

القطر:
نغلي السكر والمياه واليمون حتى الغليان.

نركب الوصفه:
نخرج شعر الكنافه من الفرن ونسكب عليه قطر وبعد ما يبرد نضيف الكريم بتسيير وبغطيها بطبقه شعر كنافه مخبوز بالرينج-بالقالب(يعني كل قالبين بعملنا وجبه حلو وحده).

*بعد ما خلصنا نبقي وجبه الحلو داخل القوالب ونضهن بالبراد لمده 6 ساعات لو ليله كامله.

وبعدها بنطلعهن من القوالب وبكونو مرتبين وحلوين متل بالصور وبزينهن بتوت ورشه سكر مطحون.