صديقتنا BaSant MaRai بتقدم لازانيا

المكونات :
ورق معكرونة لازانيا , نص كيلو لحم مفروم ,حبة بصل كبيرة مفرومة ,حبة جزرة كبيرة مقطعة مكعبات صغيرة ,سلة فطر طازج مقطعة شرائح ,حبة جمبة متوسطة مقطعة مكعبات ,4 حبات ثوم مبروش,حبتين بندورة كبيرة مبروشة,صنوبر ,القليل من البقدونس المفروم,ملعقتين كبار رُب بندورة, مكعب كنور ,ملح وبهارات

منحط زيت نباتي في طنجرة ,منطبخ اللحم المفروم مع البصلة لحد ما يستوي اللحم ,منطفي ومنخليهن على جنب ,منجيب طنجرة تانية منحط فيها زيت زتون ,منقلي الجزر بالاول اكم دقيقة بعدين منحط الفطر ,منضل نقلب لحد ما يغمق الفطر ويذبل شوي ,منحط الجمبا والثوم ومنضل نقلب ,بعدين البندورة المبروشة ,منحركهن مع بعض شوي بعدين مندير عليهن اللحمة المفرومة ومنحط مكعب الكنور وملعقة صغيرة مرقة دجاج وشوية بهار مخلوطة وشوية كمون وملح بالتدريج حتى ما تطلع مالحة كتير
,منحط رُب البندورة عليهن ومنطفي .

معكرونة اللزانيا :
على العلبة مكتوب انه ما في داعي لسلق اللزانيا بس من بعد تجربة,مفضل عالاقل تغميسها بمي مغلية لانه في مناطق ما استوت منيح ,مندهن الصينية بزيت ,منرتب طبقة لزانيا ,منحط نصف كمية خليط اللحم فوق اللزانيا ,منحط كمان طبقة لازانيا ,وبعدين باقي خليط اللحم ,وكمان طبقة لازانيا
البشاميل :
حوالي ثلاث ارباع باكيت زبدة ,نذوبه على نار متوسطة ,منحط عليهن ثلاث ملاعق طحين (بلاش ما يكونوا ملانات عالاخر) ,منذوب الطحين مع الزبدة منحرك منيح منيح لمدة دقيقتين,منقيم الطنجرة عن الغاز منحرك شوي ومندير كبايتين حليب ,مفضل بالتدريج ومع تحريك مستمر وبسرعة حتى ما يصير كتل ويكون الملمس ناعم ,منضل نحرك منرجع عالغاز مع التحريك المستمر ,لحد ما يغلي البشاميل ببدا يثخن ,لما يثخن منيح مندير جبنة صفرا مبروشة تقريباً 100 او 150 جرام جبنة صفرا ,منحط ملعقة مرقة دجاج ورشة صغيرة ملح (بردو بالتدريج لانه الجبنة مالحه وما بدنا اياها تطلع مالحة كتير )
مندير خليط البشاميل على وجه اللزانيا ,منحطها بالفرن على درجة حرارة 170 لمدة نص ساعة تقريباً (مفضل تغطية الصينية بورق قصدير حتى ما ينحرق البشاميل قبل ان تستوي اللزانيا ) قبل اخراج الصينية منقيم ورق القصدير منخلي الوجه يحمر شوي ومنقطعها مثل الكعكة وصحة وهنا